სასამართლოს თავი

Revision as of 11:59, 5 October 2012

კეთილი იყოს თქვენი მობრძანება სასამართლოში.
70px

სასამართლოში საქმე აღიძვრება საჩივრის სახით.

თუ მიიჩნევთ, რომ თქვენი უფლებები რომელიმე მომხარებელმა, ან მოსამართლემ დაარღვია, თქვენი საჩივარი განათავსეთ აქ.

თუ საჩივარი ადმინისტრატორის წინააღმდეგ შეგაქვთ, განთავსეთ იგი მის განხილვის გვერდზე, ან სასამართლოში. თუ ადმინისტრატორის, ან/და სასამართლოს გადაწყვეტილებით უკმაყოფილო დარჩებით, დახმარებისთვის მიმართეთ ვიკიას გუნდს.

სასამართლოში საჩივრის განთავსების შესახებ, გთხოვთ, თავადვე შეატყობინოთ მოწინააღმდეგე მხარეს (მოპასუხეს), რათა თქვენს საჩივარზე მან თავისი პასუხი წარმოადგინოს. შეტყობინების მიზნით მის განხილვის გვერდზე ჩასვით თარგი {{უწყება}} და მოაწერეთ ხელი.

ზოგადი წესები

1) ყოველი კომენტარის ბოლოს ხელი მოაწერეთ ოთხი ტალღის (~~~~), ან ფაილი:ხელმოწერა.png ღილაკის მეშვეობით;
2) გახსოვდეთ, რომ ესაა ნარუტოპედია, შესაბამისად, იყავით მეგობრულები, მომთმენნი და პატივი ეცით ერთმანეთს;
3) პატივისცემით მოეპყარით მოსამართლეებს;
4)სასამართლოში საჩივრის განთავსებამდე ყველანაირად ეცადეთ, რომ თავადვე, მორიგების გზით მოაგვაროთ თქვენი პრობლემა;
5) დაიცავით სასამართლო წვრილმანი და უმნიშვნელო საქმეებისგან. თუ თქვენი პრობლემა არსებითად ისეთი მნიშვნელოვანი არაა, რომ ხელი შეგიშალოთ მუშაობაში, ნუ განათავსებთ მას აქ;
6) ჩამოაყალიბეთ თქვენი საჩივარი და პასუხი გარკვევით, რათა სასამართლომ მათ დაზუსტებაზე დრო არ დაკარგოს;
7) მომჩივანი მხარე ვალდებულია მოწინააღმდეგე მხარის განხილვის გვერდზე ჩასვას {{უწყება}} და იქვე მოაწეროს ხელი. იგი ვალდებულია მის ხელთ არსებული ყველა საშუალების გამოყენებით შეატყობინოს მოწინააღმდეგე მხარეს სასამართლოში საჩივრის შეტანის შესახებ;
8) მოპასუხეს სასამართლოში დაბარებიდან 1 კვირის ვადაში აქვს უფლება წარმოადგინოს თავისი პასუხი და ჩაერთოს საქმის განხილვაში. წინააღმდეგ შემთხვევაში, სასამართლოს საქმის განხილვას მის გარეშე შეუდგება;
9) მოპასუხეს ნებისმიერ დროს შეუძლია ჩაერთოს საქმის განხილვაში, მათ შორის, სასამართლო გადაწყვეტილების გამოტანის შედეგაც;
10) თუ მიიჩნევთ, რომ თქვენს საქმეზე სასამართლო რეაგირებას აგვიანებს, მიმართეთ ადმინისტრატორს, რომელიც სათანადო ზომებს მიიღებს.
11) ადმინისტრატორი სასამართლოს ზემდგომ ორგანოს არ წარმოადგენს, შესაბამისად, სასამართლოს გადაწყვეტილების გასაჩივრება ადმინისტრატორთან არ ხდება.

ნარუტოპედიას სასამართლოს შემადგენლობაში სამი მოსამართლე შედის. თითოეული მათგანი საქმეს ერთპიროვნულად განიხილავს. თუ რომელიმე მოსამართლის გადაწყვეტილებას არ დაეთანხმებით, თავისუფლად გაასაჩივრეთ იგი. თქვენს ახალ საჩივარს უკვე სამივე მოსამართლისგან შემდგარი კოლეგია განიხილავს, მათ შორის იქნება გასაჩივრებული გადაწყვეტილების გამომტანი მოსამართლეც.

მოსამართლეთა არჩევა არჩევნების გვერდზე, კენჭისყრის საფუძველზე ხდება. თითოეული მათგანის მოღვაწეობის ვადა 1 თვით განისაზღვრება.

ამჟამინდელი მოსამართლეები
სასამართლოს მოსამართლეებით დაკომპლექტებამდე ყველა საჩივარს ერთპიროვნულად განიხილავს ადმინისტრატორი DevaMK.

სასამართლოს წესდება

ნარუტოპედიას სასამართლო 3 მოსამართლისგან შედგება. მათი არჩევა კენჭისყრის გზით, 1 თვის ვადით ხდება. ერთი და იგივე პირი მოსამართლედ შეიძლება აირჩეს განუსაზღვრელი ოდენობით.
ყოველი მოსამართლე ვალდებულია:

იმოქმედოს ეთიკის ნორმების სრული დაცვით;
იყოს მიუკერძოებელი;
საქმე გამოიკვლიოს ყოველმხრივ, სრულად და ობიექტურად;
ყოველთვის ეცადოს საქმის მხარეთა მორიგებით დასრულებას.

სასამართლოში ყოველი საქმე განიხილება ერთპიროვნულად იმ მოსამართლის მიერ, რომელსაც საქმე რიგითობის შესაბამისად შეხვდება. გადაწყვეტილების გასაჩივრების შემთხვევაში, საქმეს განიხილავს სასამართლო სრული შემადგენლობა, რომლის გადაწყვეტილებაც საბოლოო იქნება.

თუ საქმის განხილვის დაწყებამდე, ან მისი განხილვის პერიოდში რომელიმე მოსამართლის აცილების საფუძველი გამოვლინდება, საქმეს განიხილავს სხვა მოსამართლე მხარეთა არჩევით.

მოსამართლის აცილების საფუძველია, თუ იგი რომელიმე მხარის ნათესავი ან მეგობარი აღმოჩნდება, რაც მის მიუკერძოებლობას ეჭვქვეშ დააყენებს. სასამართლოს წინაშე მტკიცების ტვირთი ეკისრება იმ მხარეს, ვინც მოსამართლის აცილებას ითხოვს.

მოსამართლის თანამდებობიდან გადაყენების საფუძველია:

დაკისრებულ მოვალეობათა შეუსრულებლობა, ან არაჯეროვანი შესრულება;
მიუკერძოებლობის პრინციპის დარღვევა;
მის წინააღმდეგ წარდგენილ იმ საჩივართა რაოდენობა, რაზეც სასამართლომ გამამტყუვნებელი გადაწყვეტილება მიიღო (თუ 1 თვის მანძილზე მის წინააღმდეგ 5, ან მეტი ასეთი საჩივარი დაფიქსირდება). მხედველობაში არ მიიღება ერთგვაროვანი საჩივრები;
მოსამართლისათვის შეუფერებელი ისეთი საქციელის ჩადენა, რაც მის თანამდებობაზე დატოვებას შეუძლებელს გახდის.

მოსამართლის გადაყენების უფლება აქვს სასამართლოს. მოსამართლის გადაყენების მოთხოვნით საჩივრის აღძვრის უფლება აქვს ნებისმიერ მომხმარებელს. საჩივარს განიხილავს დარჩენილი ორი მოსამართლისაგან შემდგარი კოლეგია, რომლის გადაწყვეტილება საბოლოო იქნება. ხმების გაყოფის შემთხვევაში გადაწყვეტილებას იღებს ადმინისტრატორი.

მოსამართლის გადაყენების შემთხვევაში დაუყოვნებლივ ჩატარდება ხელახალი არჩევნები, სადაც ასევე კენჭისყრის გზით აიჩევა ახალი მოსამართლე.

სახდელები

ნარუტოპედიაში 2 სახის სახდელი გამოიყენება, ესენია:

გაფრთხილება;
მომხმარებლის დაბლოკვა. დაბლოკვის ვადას სასამართლო ყოველ კონკრეტულ შემთხვევაში განსაზღვრავს, თუმცა იგი არ უნდა აღემატებოდეს 1 თვეს.

ორივე სახდელის ერთდროულად გამოყენება დაუშვებელია, თუმცა თუ პირი სასამართლოს კანონიერ გადაწყვეტილებას არ დაემორჩილება, მისი პასუხისმგებლობა შეიძლება დამძიმდეს.

პირველი სახის სახდელი გამოიყენება შემდეგნაირად - გაფრთხილების თარგს ({{თარგი:გაფრთხილება-სახ}}) მოსამართლე შესაბამისი მომხმარებლის გვერდზე ჩასვამს და მის შემდეგ ხელს მოაწერს.

მომხმარებლის დაბლოკვის მიზნით მოსამართლემ ადმინისტრატორს უნდა მიმართოს. მიმართვას მან საქმის ბმულიც უნდა დაურთოს.

მოსამართლეებისთვის

ყოველი დასრულებული საქმე უნდა იწყებოდეს საჩივრით, მას უნდა მოსდევდეს პასუხი, საქმის აღწერილობითი ნაწილი, ძირითადი ნაწილი და გადაწყვეტილება. თითოეულ მათგანი უნდა წარმოადგენდეს დამოუკიდებელ სექციას. საქმის ამგვარი ორგანიზება მოსამართლის მოვალეობაა.

აღწერილობით ნაწილში რაც შეიძლება მოკლედ უნდა იყოს მიმოხილული პრობლემა. მოსამართლემ იგი საქმის განხილვის პროცესში, ან გადაწყვეტილების მიღების შემდეგ უნდა შექმნას.

ძირითადი ნაწილი იგივე მსჯელობაა, რაც მხარეთა ახსნა-განმარტებებს, მათ შუამდგომლობებს, მტკიცებულებებს, მოსამართლის შეკითხვებსა და მათზე მხარეთა პასუხებს მოიცავს. მსჯელობა დასრულდება მას შემდეგ, რაც ყოველი მხარე საბოლოო სიტყვას იტყვის. უკანასკნელი რეპლიკა ყოველთვის მოპასუხეს ეკუთვნის. მოსამართლე ყოველნაირად უნდა ეცადოს, საქმე მხარეთა მორიგებით დაასრულოს. თუ მოსამართლე მხარეთა დაშოშმინებას ვერ შეძლებს, მას შეუძლია დახმარებისთვის ადმინისტრატორს მიმართოს, რომელიც შესაბამის ზომებს მიიღებს.

ყველა საქმე უნდა დასრულდეს მოსამართლის გადაწყვეტილებით. იგი გარკვევით უნდა იყოს ჩამოყალიბებული და მისი გამოქვეყნების შესახებ ორივე მხარეს დაუყოვნებლივ უნდა ეცნობოს. გადაწყვეტილების ბოლოს მოსამართლე სიმბოლურად ხელს აწერს. თუ საქმე განიხილა კოლეგიამ, ხელს აწერს მისი ყოველი წევრი.

საბოლოოდ, ყველა განხილულმა საქმემ ასეთი სახე უნდა მიიღოს:

==(მომჩივნის სახელი) (მოპასუხის სახელი)-ის წინააღმდეგ==
აქ იწერება მოსამართლის ვინაობა, მხარეთა ვინაობა, საქმის განხილვის დაწყებისა 
და დასრულების თარიღი.

===საჩივარი===
მხარის საჩივარი

===პასუხი===
მხარის პასუხი

===აღწერა===
საქმის მოკლე აღწერა

===მსჯელობა===
მსჯელობა საქმის შესახებ

===გადაწყვეტილება===
მოსამართლის გადაწყვეტილება

როგორც კი საქმის განხილვა დასრულდება, მოსამართლემ იგი {{ლუქის}} გამოყენებით უნდა დალუქოს.

ყურადღება! საქმის განხილვის დასრულებისა და გადაწყვეტილების გამოტანის შემთხვევაში საქმე ილუქება და მასში ცვლილებების განხორციელება დაუშვებელია.

@@ Line 8: / Line 8: @@
 თუ საჩივარი ''ადმინისტრატორის'' წინააღმდეგ შეგაქვთ, განთავსეთ იგი მის [[მომხმარებლის განხილვა:DevaMK|განხილვის გვერდზე]], ან სასამართლოში. თუ ადმინისტრატორის, ან/და სასამართლოს გადაწყვეტილებით უკმაყოფილო დარჩებით, დახმარებისთვის მიმართეთ '''[http://community.wikia.com/wiki/Special:Contact/general ვიკიას გუნდს]'''.
-სასამართლოში საჩივრის განთავსების შესახებ, გთხოვთ, თავადვე შეატყობინოთ მოწინააღმდეგე მხარეს (მოპასუხეს), რათა თქვენს საჩივარზე მან თავისი პასუხი წარმოადგინოს. შეტყობინების მიზნით მისი განხილვის გვერდზე ჩასვით თარგი {{[[თარგი:უწყება|უწყება]]}}.
+სასამართლოში საჩივრის განთავსების შესახებ, გთხოვთ, თავადვე შეატყობინოთ მოწინააღმდეგე მხარეს (მოპასუხეს), რათა თქვენს საჩივარზე მან თავისი პასუხი წარმოადგინოს. შეტყობინების მიზნით მის განხილვის გვერდზე ჩასვით თარგი {{[[თარგი:უწყება|უწყება]]}} და მოაწერეთ ხელი.
 {{ჩასაკეცი ჩარჩო|სათ='''ზოგადი წესები'''|შიგ=1) ყოველი კომენტარის ბოლოს ხელი მოაწერეთ ოთხი ტალღის <nowiki>(~~~~)</nowiki>, ან [[ფაილი:ხელმოწერა.png]] ღილაკის მეშვეობით;<br/>2) გახსოვდეთ, რომ ესაა ნარუტოპედია, შესაბამისად, იყავით მეგობრულები, მომთმენნი და პატივი ეცით ერთმანეთს;<br/>3) პატივისცემით მოეპყარით მოსამართლეებს;<br/>4)სასამართლოში საჩივრის განთავსებამდე ყველანაირად ეცადეთ, რომ თავადვე, მორიგების გზით მოაგვაროთ თქვენი პრობლემა;<br/>5) დაიცავით სასამართლო წვრილმანი და უმნიშვნელო საქმეებისგან. თუ თქვენი პრობლემა არსებითად ისეთი მნიშვნელოვანი არაა, რომ ხელი შეგიშალოთ მუშაობაში, ნუ განათავსებთ მას აქ;<br/>6) ჩამოაყალიბეთ თქვენი საჩივარი და პასუხი გარკვევით, რათა სასამართლომ მათ დაზუსტებაზე დრო არ დაკარგოს;<br/>7) მომჩივანი მხარე ვალდებულია მოწინააღმდეგე მხარის განხილვის გვერდზე ჩასვას '''{{[[თარგი:უწყება|უწყება]]}}''' და იქვე მოაწეროს ხელი. იგი ვალდებულია მის ხელთ არსებული ყველა საშუალების გამოყენებით შეატყობინოს მოწინააღმდეგე მხარეს სასამართლოში საჩივრის შეტანის შესახებ;<br/>8) მოპასუხეს სასამართლოში დაბარებიდან '''1 კვირის''' ვადაში აქვს უფლება წარმოადგინოს თავისი პასუხი და ჩაერთოს საქმის განხილვაში. წინააღმდეგ შემთხვევაში, სასამართლოს საქმის განხილვას მის გარეშე შეუდგება;<br/>9) მოპასუხეს ნებისმიერ დროს შეუძლია ჩაერთოს საქმის განხილვაში, მათ შორის, სასამართლო გადაწყვეტილების გამოტანის შედეგაც;<br/>10) თუ მიიჩნევთ, რომ თქვენს საქმეზე სასამართლო რეაგირებას აგვიანებს, მიმართეთ [[მომხმარებლის განხილვა:DevaMK|ადმინისტრატორს]], რომელიც სათანადო ზომებს მიიღებს.<br/>11) ადმინისტრატორი სასამართლოს ზემდგომ ორგანოს ''არ წარმოადგენს'', შესაბამისად, სასამართლოს გადაწყვეტილების გასაჩივრება ადმინისტრატორთან არ ხდება.
 }}