კეთილი იყოს თქვენი მობრძანება სასამართლოში. 70px
სასამართლოში საქმე საჩივრის სახით აღიძვრება.
თუ მიიჩნევთ, რომ თქვენი უფლებები რომელიმე მომხარებელმა, მოსამართლემ ან ადმინისტრატორმა დაარღვია, თქვენი საჩივარი განათავსეთ აქ.
მონაწილეობის წესები
|
1) ყოველი კომენტარის ბოლოს ხელი მოაწერეთ ოთხი ტალღის (~~~~), ან ფაილი:ხელმოწერა.png ღილაკის მეშვეობით; 2) გახსოვდეთ, რომ ესაა ნარუტოპედია, შესაბამისად, იყავით მეგობრულები, მომთმენნი და პატივი ეცით ერთმანეთს; 3) პატივისცემით მოეპყარით მოსამართლეებს; 4)სასამართლოში საჩივრის განთავსებამდე ყველანაირად ეცადეთ, რომ თავადვე, მორიგების გზით მოაგვაროთ თქვენი პრობლემა; 5) დაიცავით სასამართლო წვრილმანი და უმნიშვნელო საქმეებისგან. თუ თქვენი პრობლემა არსებითად ისეთი მნიშვნელოვანი არაა, რომ ხელი შეგიშალოთ მუშაობაში, ნუ განათავსებთ მას აქ; 6) ჩამოაყალიბეთ თქვენი საჩივარი თუ პასუხი გარკვევით, რათა სასამართლომ მის დაზუსტებაზე დრო არ დაკარგოს; 7) მომჩივანი მხარე ვალდებულია, მოწინააღმდეგე მხარის განხილვის გვერდზე ჩასვას {{უწყება}} და იქვე მოაწეროს ხელი. იგი ვალდებულია მის ხელთ არსებული ყველა საშუალების გამოყენებით შეატყობინოს მოწინააღმდეგე მხარეს სასამართლოში საჩივრის შეტანის შესახებ; 8) მოპასუხემ სასამართლოში დაბარებიდან 1 კვირის ვადაში უნდა წარმოადგინოს თავისი პასუხი. წინააღმდეგ შემთხვევაში, სასამართლოს საქმის განხილვას მის გარეშე შეუდგება; 9) მოპასუხეს ნებისმიერ დროს შეუძლია ჩაერთოს საქმის განხილვაში, მათ შორის, სასამართლო გადაწყვეტილების გამოტანის შედეგაც; 10) თუ მიიჩნევთ, რომ თქვენს საქმეზე სასამართლო რეაგირებას აგვიანებს, მიმართეთ ადმინისტრატორს, რომელიც სათანადო ზომებს მიიღებს. 11) ადმინისტრატორი სასამართლოს ზემდგომ ორგანოს არ წარმოადგენს, შესაბამისად, სასამართლოს გადაწყვეტილების გასაჩივრება ადმინისტრატორთან არ ხდება. მას შეუძლია community central-ში საჩივრის განთავსების თაობაზე გაგიწიოთ კონსულტაცია და, თუ ამას საჭიროდ ჩათვლის, საკუთარი მოსაზრებაც დაურთოს მას.
|
ნარუტოპედიის სასამართლო სამი მოსამართლისგან შედგება. მოსამართლეები საქმეებს ერთპიროვნულად განიხილავენ, აპელაციას კი სამი მოსამართლისგან შემდგარი კოლეგია იხილავს.
მომხმარებელს ყოველთვის შეუძლია დახმარებისთვის მიმართოს community central–ს (ვიკიას გუნდს).
მოსამართლეები
|
სასამართლოს მოსამართლეებით დაკომპლექტებამდე ყველა საჩივარს ერთპიროვნულად განიხილავს ადმინისტრატორი DevaMK.
|
სასამართლოს წესდება
|
სასამართლოს შემადგენლობაში სამი მოსამართლე შედის. მოსამართლეთა არჩევა არჩევნების გვერდზე, კენჭისყრის საფუძველზე ხდება. თითოეული მათგანის მოღვაწეობის ვადა 3 თვით განისაზღვრება. ერთი და იგივე პირი მოსამართლედ შეიძლება აირჩეს განუსაზღვრელი ოდენობით. ყოველი მოსამართლე ვალდებულია:
- იმოქმედოს ეთიკის ნორმების სრული დაცვით;
- იყოს მიუკერძოებელი;
- საქმე გამოიკვლიოს ყოველმხრივ, სრულად და ობიექტურად;
- ყოველთვის ეცადოს საქმის მხარეთა მორიგებით დასრულებას.
სასამართლოში ყოველი საქმე განიხილება ერთპიროვნულად იმ მოსამართლის მიერ, რომელსაც საქმე რიგითობით შეხვდება. გადაწყვეტილების გასაჩივრების შემთხვევაში, საქმეს განიხილავს სასამართლო სრული შემადგენლობა, რომლის გადაწყვეტილებაც საბოლოო იქნება.
სასამართლოს საბოლოო გადაწყვეტილებით უკმაყოფილო ყველა მომხმარებელს უფლება აქვს დახმარებისთვის მიმართოს community central–ს. იმ შემთხვევაში, თუ community central მის საჩივარს დააკმაყოფილებს, საქმე ხელახლა განსახილველად დაუბრუნდება სასამართლოს იმავე, ან მის უფლებამონაცვლე შემადგენლობას. სასამართლოს შეუძლია, გაითვალისწინოს ვიკიას გუნდის გადაწყვეტილება, თუმცა ამის ვალდებულება მას არ აკისრია.
თუ საქმის განხილვის დაწყებამდე, ან მისი განხილვის პერიოდში რომელიმე მოსამართლის აცილების საფუძველი გამოვლინდება, საქმეს განიხილავს სხვა მოსამართლე მხარეთა არჩევით.
მოსამართლემ არ შეიძლება საქმე დამოუკიდებლად განიხილოს, თუ იგი რომელიმე მხარის ნათესავი ან მეგობარია, რაც მის მიუკერძოებლობას ეჭვქვეშ აყენებს. სასამართლოს წინაშე მტკიცების ტვირთი ეკისრება იმ მხარეს, ვინც მოსამართლის აცილებას ითხოვს. თუ მოსამართლე თვითაცილებაზე უარს განაცხადებს, საკითხს დარჩენილი ორი მოსამართლისაგან შემდგარი კოლეგია გადაწყვეტს, რომლის გადაწყვეტილება საბოლოო იქნება. ხმების გაყოფის შემთხვევაში გადაწყვეტილებას მიიღებს ადმინისტრატორი.
მოსამართლის თანამდებობიდან გადაყენების საფუძველია:
- დაკისრებულ მოვალეობათა შეუსრულებლობა, ან არაჯეროვანი შესრულება;
- მიუკერძოებლობის პრინციპის დარღვევა;
- მის წინააღმდეგ სხვადასხვა საფუძვლით შეტანილი და სასამართლოს მიერ დაკმაყოფილებული 3 საჩივრის არსებობა;
- მოსამართლისათვის შეუფერებელი ისეთი საქციელის ჩადენა, რაც მის თანამდებობაზე დატოვებას შეუძლებელს გახდის.
მოსამართლის გადაყენების უფლება აქვს სასამართლოს. მოსამართლის გადაყენების მოთხოვნით საჩივრის აღძვრის უფლება აქვს ნებისმიერ მომხმარებელს. საჩივარს დარჩენილი ორი მოსამართლისაგან შემდგარი კოლეგია განიხილავს, რომლის გადაწყვეტილება საბოლოო იქნება. ხმების გაყოფის შემთხვევაში გადაწყვეტილებას იღებს ადმინისტრატორი.
მოსამართლის გადაყენების შემთხვევაში დაუყოვნებლივ ჩატარდება ხელახალი არჩევნები, სადაც ასევე კენჭისყრის გზით აიჩევა ახალი მოსამართლე.
|
გადაწყვეტილება
|
ყოველი დასრულებული საქმე უნდა იწყებოდეს საჩივრით, მას უნდა მოსდევდეს პასუხი, საქმის აღწერილობითი ნაწილი, ძირითადი ნაწილი და გადაწყვეტილება. თითოეულ მათგანი უნდა წარმოადგენდეს დამოუკიდებელ სექციას. საქმის ამგვარი ორგანიზება მოსამართლის მოვალეობაა.
აღწერილობით ნაწილში რაც შეიძლება მოკლედ უნდა იყოს მიმოხილული პრობლემა.
ძირითადი ნაწილი იგივე მსჯელობაა, რაც მხარეთა ახსნა-განმარტებებს, მათ შუამდგომლობებს, მტკიცებულებებს, მოსამართლის შეკითხვებსა და მათზე მხარეთა პასუხებს მოიცავს. მსჯელობა დასრულდება მას შემდეგ, რაც ყოველი მხარე საბოლოო სიტყვას იტყვის. უკანასკნელი რეპლიკა ყოველთვის მოპასუხეს ეკუთვნის. მოსამართლე ყოველნაირად უნდა ეცადოს, საქმე მხარეთა მორიგებით დაასრულოს. თუ მოსამართლე მხარეთა დაშოშმინებას ვერ შეძლებს, მას შეუძლია დახმარებისთვის ადმინისტრატორს მიმართოს, რომელიც შესაბამის ზომებს მიიღებს.
ყველა საქმე უნდა დასრულდეს მოსამართლის გადაწყვეტილებით. იგი გარკვევით უნდა იყოს ჩამოყალიბებული და მისი გამოქვეყნების შესახებ ორივე მხარეს დაუყოვნებლივ უნდა ეცნობოს. გადაწყვეტილების ბოლოს მოსამართლემ აუცილებლად უნდა მიუთითოს, რომ მისი გასაჩივრება შესაძლებელია. თუ საქმე კოლეგიამ განიხილა და, ამგვარად, გადაწყვეტილება საბოლოოა, მის ბოლოს აუცილებლად უნდა აღინიშნოს, რომ მომხმარებელს უფლება აქვს დახმარებისთვის მიმართოს community central–ს. ყოველი გადაწყვეტილების ბოლოს მოსამართლე სიმბოლურად აწერს ხელს. თუ საქმე კოლეგიამ განიხილა, ხელს აწერს მისი ყოველი წევრი.
საბოლოოდ, ყველა განხილულმა საქმემ ასეთი სახე უნდა მიიღოს:
==(მომჩივნის სახელი) (მოპასუხის სახელი)-ის წინააღმდეგ==
აქ იწერება მოსამართლის ვინაობა, მხარეთა ვინაობა, საქმის განხილვის დაწყებისა
და დასრულების თარიღი.
===საჩივარი===
მხარის საჩივარი
===პასუხი===
მხარის პასუხი
===აღწერა===
საქმის მოკლე აღწერა
===მსჯელობა===
მსჯელობა საქმის შესახებ
===გადაწყვეტილება===
მოსამართლის გადაწყვეტილება
როგორც კი საქმის განხილვა დასრულდება, მოსამართლემ იგი {{ლუქის}} გამოყენებით უნდა დალუქოს. დალუქულ საქმეში ცვლილებების განხორციელება დაუშვებელია.
|
სახდელები
|
ნარუტოპედიაში 2 სახის სახდელი გამოიყენება, ესენია:
- გაფრთხილება;
- მომხმარებლის დაბლოკვა. დაბლოკვის ვადას სასამართლო ყოველ კონკრეტულ შემთხვევაში განსაზღვრავს, თუმცა იგი არ უნდა აღემატებოდეს 2 კვირას.
ორივე სახდელის ერთდროულად გამოყენება დაუშვებელია, თუმცა თუ პირი სასამართლოს კანონიერ გადაწყვეტილებას არ დაემორჩილება, მისი პასუხისმგებლობა შეიძლება დამძიმდეს.
- გაფრთხილების თარგი ({{თარგი:გაფრთხილება-სახ}}) მოსამართლემ შესაბამისი მომხმარებლის გვერდზე უნდა ჩასვას და მის შემდეგ ხელი მოაწეროს.
- მომხმარებლის დაბლოკვის მიზნით მოსამართლემ ადმინისტრატორს უნდა მიმართოს. მიმართვას მან საქმის ბმულიც უნდა დაურთოს.
|
|